សំអឿន ពិដោរ បង្ហោះសាររំលឹកខួប៣ឆ្នាំ អ្នកចាំទី សរ សុភា

135 Views
November 22, 2017

ធ្មេចបើកៗ អ្នកចាំទីរបស់ក្លឹបបាល់ទាត់ព្រះខ័នរាជស្វាយរៀង លោក សរ សុភា បានចែកឋានអស់រយៈពេល៣ឆ្នាំមកហើយ។ ថ្ងៃនេះគឺជាខួបគម្រប់៣ឆ្នាំ ក្នុងនោះ កីឡាករ សំអឿន ពិដោរក៏បានបង្ហោះសារ រំលឹកវិញ្ញាណក្ខ័ន្ធដល់អ្នកចាំទី រូបនេះដែរ ដោយក្ដីនឹកស្រណោះអាឡោះអាល័យ ថា៖

«ខ្ញុំបាទសូមរំលឹកវិញ្ញាណខ័ណដល់បងប្រុស សរ សុភា ជាអ្នកចាំទី ក្លឹបបាល់ទាត់ ព្រះខ័នរាជស្វាយរៀង នឹង ជំរើសជាតិកម្ពុជា សូមរំលឹកគំរប់ខួប៣ឆ្នាំ ដែលបងប្រុសបានចាកចេញឆ្ងាយពីក្រុមគ្រួសារបងប្អូនមិត្តភ័ក្តជារៀងរហូតគ្មានថ្ងៃវិលវិញ ពួកយើងនៅតែចងចាំបងជានិច្ច >២២/១១/២០១៤ – ២២/១១/២០១៧»

គួររំលឹកដែរថា អ្នកចាំទី សរ សុភា បានទទួលមរណភាពដោយសារជម្ងឺគាំងបេះដូង កាលពីថ្ងៃទី២២ ខែវិច្ឆិកា ឆ្នាំ២០១៤។ យើងសូមបួងសួងដល់វិញ្ញាណក្ខ័ន្ធរបស់លោក ទៅកាន់សុគតិភពកុំបីឃ្លាងឃ្លាត៕

 

 

 

ប្រភព៖ facebook

Facebook Comment