កាលពីឆ្នាំ២០០៣ ដែល David Beckham និង Sir Alex ជាគ្រូនិងកីឡាករ នៅក្លឹបបិសាចក្រហម អ្នកទាំងពីរបានផ្ទុះរឿងជាមួយគ្នា ដែលកាលនោះ Sir Alex បានទាត់ស្បែកជើងហោះ ចំចិញ្ចើមរបស់ Beckham។

កាលពីពេលថ្មីៗ David Beckham ក៏បានរំលឹកពីរឿងចាស់នេះ ក្នុងន័យគួរឲ្យអស់សំណើច។ ពេលនោះ Man Utd បានចាញ់ Arsenal ២-០ ក្នុងទឹកដីខ្លួនឯង ដែលធ្វើឲ្យ Sir Alex ឆេះដុំដាក់កីឡាករយ៉ាងខ្លាំង លោកក៏ទាត់គំនរស្បែកជើងនៅក្នុងបន្ទប់ផ្លាស់សំលៀកបំពាក់។

សំណាងអាក្រក់ ស្បែកជើងមួយក៏ហោះចំខាងលើភ្នែករបស់ Beckham តែម្ដង។

Beckham ក៏បង្ហើបទាំងលេងសើចថា៖ «ពេលនោះហើយដែលលោកដឹងថា Sir Alex ទាត់បានត្រង់ខ្លាំងណាស់! ព្រោះ Sir Alex តែងតែប្រាប់កីឡាករថា គាត់ពូកែទាត់ free-kicks និង ប៉េណាល់ទី មែនទែន កាលពីនៅជាកីឡាករ»។

ដោយ៖ Mago

ប្រភព៖ dailymail